រឿងភាគកូរ៉េបីរឿងនឹងចាក់ផ្សាយនៅសប្តាហ៍ក្រោយ

នៅសប្តាហ៍ក្រោយនេះមានរឿងភាគកូរ៉េចំនួនបីនឹងចាក់ផ្សាយនៅទូរទស្សន៍ផ្សេងគ្នាមានទូរទស្សន៍ MBC ទូរទស្សន៍ KBS និងទូរទស្សន៍ខ្សែកាប OCN។

1. Missing Nine (បាត់ខ្លួន9)
ទូរទស្សន៍ MBC នឹងចាក់ផ្សាយរឿង Missing Nine (បាត់ខ្លួន9) សប្តាហ៍ក្រោយនៅម៉ោង 10 យប់ ថ្ងៃពុធនិងថ្ងៃព្រហស្បត្តិ៍។ រឿងនេះនិយាយអំពីមនុស្ស 9 នាក់ដែលបានរួចជីវិតពីការធ្លាក់យន្តហោះ ហើយបានរស់នៅលើកោះខ្សាច់មួយដែលយន្តហោះរបស់ពួកគេធ្លាក់នៅទីនោះ។  Missing Nine (បាត់ខ្លួន9) មានសរុប 20 ភាគ ហើយភាគដំបូងចាក់ផ្សាយនៅថ្ងៃទី 18 ខែមករា បន្ទាប់ពីរឿង Weightlifting Fairy Kim Bok Joo។

2. Naked Fireman (អ្នកពន្លត់អគ្គិភ័យអាក្រាត)

ទូរទស្សន៍ KBS នឹងចាក់ផ្សាយរឿង Naked Fireman (អ្នកពន្លត់អគ្គិភ័យអាក្រាត) សប្តាហ៍ក្រោយនៅម៉ោង 10 យប់ ថ្ងៃពុធនិងថ្ងៃព្រហស្បត្តិ៍ក្នុងពេលជាមួយគ្នានឹងរឿង Missing Nine (បាត់ខ្លួន9) ដែរ។ រឿងនេះនិយាយអំពីរបុរសម្នាក់ដែលជាអ្នកពន្លត់អគ្គិភ័យ ហើយធ្វើជាអ្នកបង្ហាញម៉ូតដោយថតស្រាតដើម្បីរកលុយជួយមិត្តភក្តិរបស់គេដែល​មានជំងឺ។ ក្រោយមកគេចោតប្រកាន់បុរសម្នាក់នោះថាជាឃាតករដែលបានសម្លាប់មនុស្សដប់ឆ្នាំមកហើយនោះ។ Naked Fireman (អ្នកពន្លត់អគ្គិភ័យអាក្រាត) មានតែបួនភាគប៉ុណ្ណោះ ដោយភាគដំបូងចាក់ផ្សាយនៅថ្ងៃទី 12 ខែមករា បន្ទាប់ពីរឿង Oh My Geum Bi។

3.  Voice (សម្លេង)
ទូរទស្សន៍ខ្សែកាប OCN នឹងចាក់ផ្សាយរឿង Voice (សម្លេង) សប្តាហ៍ក្រោយនៅម៉ោង 10 យប់ ថ្ងៃសៅរ៍និងថ្ងៃអាទិត្យ។ រឿងនេះនិយាយអំពីរប៉ូលីសដែលធ្វើការនៅភ្នាក់ងារ 112 ដោយមានប៉ូលីសពីរនាក់បានសហការគ្នាដើម្បីតាមចាប់ឃាតករដែលបានសម្លាប់គ្រួសារពួកគេ។ Voice (សម្លេង) មានសរុប 20 ភាគដែលភាគដំបូងចាក់ផ្សាយនៅថ្ងៃទី 14 ខែមករា។

ប្រភពៈ (1,2,3)